All set na ang Bacolod Gugma Foundation para sa Street Dance and Arena Competition sa Masskara Festival 2025.
Suno kay Bhadz Defensor, chairman sang Steet Dance and Arena Competition, ang dance competition sa school category patigayonon sa Oktubre 18, ala- 1:00 sang hapon.
Ang pito ka buluthuan nga magapartsipar sa Street Dance and Arena Competition ginalakipan sang Andres Bonifacio Elem School, Estefania Elem School, Asuncion Lizares Elem School, Pagalaum Village Elem School, Rizal Elem School, Education and Training Center School 1 kag Rodolfo A. Medel Sr Elem School.
Samtang ang Brgy Category naman patigayonon sa Oktubre 19, ala- 1:00 man sang hapon.
Ang participating Brgys amo ang Brgy 6, 7, 11, 13, 21, 29, 39, Bata, Handumanan, kag Tangub.
Suno kay Defensor, unahon ang arena competition nga patigayonon sa Paglaum Sports Complex kag masunod ang Street Dance.
Suno diri, hatagan sang tion ang mga dancers nga magpahuway nga kun yara na sa ikalima nga grupo ang nagaperform sa arena, ma-umpisa na ang street dance.
May yara sang tatlo ka judging areas para sa street dance nga amo ang Rizal Elementary School, Araneta Street kag Replica sa Bacolod City Public Plaza.
Patigayonon ang awarding sa Bacolod City Public Plaza apang kag may pila pa ka grupo nga magaperform antes ang awarding.
Samtang, lauman naman ang road closure sa pila ka dalanon alas- 12:00 sang udto sa Oktubre 18 kag 19.
