Handa na ang Bacolod Gugma Foundation sa pagpatigayon sang Masskara Street Dance and Arena Competition nga pagasuguran sa school category Sabado, Oktubre 17.
May yara sang 11 ka participants nga ginalakipan sang pito gikan sa Elementary samtang apat naman gikan sa high school.
Ang premyo ang mangin parehas lamang nga P750,000 sa Elementary kag High School.
Suno kay Festival Director Rodney Ascalon, preparado na ang tanan kag nakapatigayon na sila sang tech run kag natsekyar na ang tanan nga kinahanglan tsekyaron agud mangin matalunsay nalang ang pagpatigayon sang event subong nga adlaw.
Suno kay Ascalon, isa sa pagpanghangkat nila sa karun amo ang dalagan sang panahon bangud sa weather forecast mangin mainulanon subong nga adlaw tubtob sa Domingo.
Apang nagalaom ini sagihapon nga mahatagan lamang sang maayo nga panahon subong nga adlaw sa pagpatigayon sang Masskara Street Dance and Arena Competition schools category.
