Nagpatigayon sang feeding program kag gift giving ang Bacolod Lady Eagles Group sa Barangay Mandalagan, Bacolod City kasunod sa selebrasyon sang Women’s Month.
Sa interview sang Bombo Radyo kay Jasmin Batadlan, presidente sang Bacolod Lady Eagles Group, kasunod sa Women’s month, sila nagpatigayon sang lectures kun ano ka importante ang self care kag mental health sang isa ka babayi.
Ila man ginhatagan sang basic training ang mga iloy sa pedicure kag manicure agud nga maka-income man ang mga ini nga sil lang.
Target sang grupo amo ang mag-akomodar sa komunidad nga sa karun ila ginalauman nga makahatag naman sang bulig para sa mga preso nga Persons Deprived of Liberty ukon PDL.
Suno diri, nagatarabho ang ila grupo sa pagbulig sa komunidad sa Bacolod City.
Ginalauman sini nga maka-koordinar sa mga ahensya nga may kaangay sa ila nga mission.
Disyembre 20, 2022 sang una nga gintukod ang Bacolod Lady Eagles Group.
