Suportado sang Bacolod City Local Government Unit ang initiative sang Barangay Handumanan nga magpatuman sang No Segregation, No Collection.
Sa interview sang Bombo Radyo Bacolod kay Mona Dia Jardin, Executive Assistant to the Mayor for environmental concerns and special programs, ginkalipay sini ang pagpahayag sang Barangay Handumanan nga magapatuman sang No Segregation, No Collection policy.
Suno kay Jardin, nakahinun-anon na sila sa Barangay kaupod ang mga Barangay Officials nga ginapangunahan ni Punong Barangay Febe Legaspi kag mga pumuluyo.
Suno kay Jardin, ang nasambit nga proyekto ang igalunsyar sa Nobyembre 6 kag una ini nga ipatuman sa anum ka Purok nga ginabug-usan sang Purok 1 tubtob sa 6.
Bangud sini ang dump truck sang Barangay Hadumanan ang makolekta sang basura.
Sa naestoryahan sang Barangay kag ni Jardin Monday, Wednesday kag Friday ang kolektahon amo ang madunot kag Tuesday, Thursday kag Saturday amo ang indi madunot.
By phase ang pagpatigayon sang collection tubtob nga malikop ang 39 ka Purok sang Barangay Handumanan.
Ginkalipay man ni Jardin nga nagaupod ang academe nga ginabug-usan sang Handumanan National High School kag Handumanan Elementary School.
Pila sa mga natumod nga pagpahangkat sa nasambit nga proyekto amo ang consistency kag acceptance sang mga pumuluyo kag barangay nga nagapatuman sini.
