Pagatun-an pa sang Bacolod City government ang concern nga ginpabutyag sang provincial government sang Negros Occidental angot sa pag-operate sang mga ambulant vendors sa North Capitol Road.
Suno kay Bacolod City Administrator Atty Mark Steven Mayo, ang pagbaligya sang kapin 50 ka ambulant vendors sa area ginpahanugotan sa idalom sang city ordinance 1009 series of 2022 apang may yara lamang sang oras kun san-o sila mahimo maka-operate.
May yara sang batch nga makabaligya tubtob lamang alas- 10:00 sang gab-i kag ini buslan sang mga magabaligya alas- 10:00 sang gab-i tubtob alas- 3:00 sang kaagahon.
Suno kay Mayo, ang iban sa mga vendors ang mga nagabaligya sadto sa Aguinaldo St apang bangod wala nalakip sa ordinansa ang lugar,nagsaylo na lamang sila sa North Capitol Road.
Suno diri, wala pa sini ofiicially nabaton ang sulat sang probinsya apang paagatun-an sini bangod ang iya opisina ang nagrelease sang special permit kag lantawon kun ano ang mahimo nga sabat sang LGU sa isyu.
