Bacolod Masskara Coliseum, 76 posyento na ang completion; Construction, ginalauman nga matapos sa Setyembre

Masobra sa 70 posyento na ang completion sa ginatukod nga Bacolod Masskara Coliseum.

Suno kay Bacolod City Mayor Greg Gasataya, ginalauman sini nga sa Setyembre subong nga tuig matapos na ang construction agud magamit ini para sa Masskara festival kag Batang Pinoy.

Kaupod sini ang City Engineers Office kag officials sang FIBA sa pagtsekyar sa coliseum nga yara na sa 76 percent completion.

Suno diri, kulang na lamang ang generator, aircon, flooring kag mga bangko para magamit ang coliseum sa international competition, sporting events, concerts kag conventions.

Ang coliseum ginpondohan sang P800 million kun sa diin mahimo maakomodar diri ang 10,000 tubtob 12,000 ka tawo.