Magaperform ang Bacolod Masskara Dancers sa Milan, Itlay, subong nga adlaw sa selebrasyon sang Sandiwa Fiesta Europa sa 126th Philippine Independence Day event.
Ang Sandiwa Fiesta Europa ang ginaselebrar sang Filipino community sa Northern Italy sa sulod sang isa ka bulan.
May yara sang grand parade, band concert kag cultural performances kun sa diin isa sa magapeform ang Bacolod Masskara Dancers nga ginalakipan sang 12 ka dancers tanan naggikan sa ciudad sang Bacolod.
Ini sa karun ang pinakauna nga kahigayunan nga igaperform ang Masskara festival Dance sa Europe.
Sa interview sang Bombo Radyo Bacolod kay Councilor Jason Villarosa, chairman sa Committee on Tourism and international relations sa Sangguniang Panlungsod, ginalauman sini nga madamo sang Filipino ang magalanatw sa performance sang Masskara dancers sa highlights sang event subong nga adlaw.
Suno diri, isa man sa tinutuyo sini amo nga mapromote ang ciudad sang Bacolod nga isa sa mga tourist destination sa Pilipinas.
