Nagalaum ang Presidente sang Bacolod Modernized Jeepney Transport Association, Bacolod Modernized Jeepney Transport Association, Inc. nga tumanon sa gihapon ang mga ginpasalig ni LTFRB Chairman Vigor Mendoza III sa mga modernized kag traditional jeepney sa Bacolod apisar ini ang ginsuspend.
Sa interview sang Bombo Radyo Bacolod kay Marcelo Ochia, ginpahayag sini nga dako ang ila pagpasalamat sa pagpadulong ni Mendoza sa Bacolod City bangud nadiskuyunan sang maayu ang direksyon kag solusyon sa problema nga ginapangatubang sang modernized jeepney.
Apang suno diri, pila lang kaadlaw iya nabalitaan nga ginsuspend sang Office of the Ombudsman si Mendoza.
Sa pihak sini, nagalaum si Ochia nga tumanon sa gihapon sa kun sin-o man ang magabulos nga magpungko sa LTRFB Office kun ano ang nadiskusyunan kag ang ginpromisa ni Mendoza.
Suno diri, sa subong nagahulat nalang sila sa kun ano ang direktiba sang mga region offices angot sa pag-sugilanon sa mga financial institutions.
Pahayag sini nga padayon ang ila commitment sa mga commuters nga sila ang magahatag sang convenience sa ila operation sa pihak sang kabudlayan.
Ginpasalamatan man ni Ochia ang mga ginahatag nga ayuda sang gobyerno sa mga drivers kag operators mapa dako man ukon gamay.
Apang nagalaum siya nga masolusyunan ang ginapaminsar kada gab-i sang mga transport sector kaangay sang uncontrolled nga pagsaka sang presyo sang gatong.
Nagalauman man ini nga may yara sang estable sa ila operational cost.
Ini agud suno sa iya, maproteksyunan ang mga interest sang commuters kasubong man sang mga transport sectors.
