Natalana nga irenovate sa masunod nga tuig ang Bacolod North Public Market sa Burgos Street, ciudad sang Bacolod nga may 2 storey design sa budget nga P525 million.
Suno kay Engr Leuben Ceballos, Head sang Bacolod City Engineer’s Office, sa tatlo ka dako nga merkado sa ciudad; ang Libertad Public Market, Central Public Market kag Burgos Public Market, prayoridad diri nga irenovate amo ang Burgos Public Market nga kun ini mangin successful, ini ang mangin sample sa pagrenovate man sa iban nga merkado sang ciudad.
Plano nga I-renovate sa 2 storey building ang Burgos Public Market; sa first floor, nahamtang ang fish section kag dry goods samtang sa second floor naman yara ang food court kag covered parking space.
Igadisenyo man ini nga may terminal kun sa diin may yara sang dalan nga mahimo maagyan sang riding vehicle kag ila man luyag nga ibutang ang tanan nga vendors sa sulod kag wala na sang may magbaligya pa sa gwa nga nagatuga kun kaisa sang ginamo.
Nalakip man sa plano ang pagpatigayon sang night market.
Samtang, plano naman ni Bacolod City Mayor Alfredo Albee Benitez nga rentahan ang duta sa tupad sang merkado nga ginapanag-iyahan sang Yanson Family para mangin temporaryo nga pagasayluhan sang mga vendors sang ila negosyo samtang ginapatigayon ang construction nga gina-ekspektar nga maga-umpisa sa Enero 2024 kag mahuman sa 18 ka bulan.
Kun matapos naman ang bidding para sa ini nga budget, unahon ang pagconstruct sang facilities kag ang sayluhan sang mga vendors antes ang renovation.
