Ginkilala ang biktima kay Herminigildo Operiano alyas Onyok kag residente man sang amo nga lugar.
Suno kay Police Major Elmer Bonilla, station commander sang Bacolod Police Station 1, may nagreport sa ila nga may isa ka motorsiklo nga nakabunggo sa poste sang kuryente apang sang ginrespondehan sang imbestigador, natukiban nga gintiro ang nagamaneho.
Sa inisyal nga imbestigasyon, caliber .45 pistol ang gingamit sa pagtiro sa biktima bangud narecover sa crime scene ang anom ka fired cartridges sang caliber .45 pistol.
Ginalantaw sang Bacolod Police Station 1 nga may kaangtanan ang krimen sa robbery kag illegal drugs.
Suno kay Bonilla, napriso si Operiano sang tuig 2019 bangud sa kaso nga robbery kag subong lang nga tuig nakagwa sa BJMP detention facility.
Si Operiano ang residente sang Barangay Singcang Airport apang may kilala sa Barangay 35.
Suno sa iya ginikanan, ginpalikaw man ini sadto sa ila nga lugar sa Leyte apang nagbalik man diri sa Bacolod.
Nagalaom naman ini nga makakita sila sang witness sa krimen bisan madulom sang ini ang natabo.
Ginalantaw naman nga isa ukon duha ang suspetsado nga nagpatay sa biktima.
