Dako ang mangin epekto sang pagkapatay sang lider sang Cuadra Robbey Group sa Barangay 2, Bacolod City, suno sa station commander sang Bacolod Police Station 2.
Sa interview sang Bombo Radyo kay Police Captain Paul Vincent Pendon, apisar nga wala sini ginkalipay ang natabo kay Arnold ‘Aki’ Cuadra, maayo ini nga butang ilabi na para sa Barangay 2 kun sa diin ini nagapuyo bangud kun kaisa nahadlok ang mga tawo magpanugid sang matuod kun may mga krimen bangud kay Aki.
Suno kay Pendon, mas ginakahadlukan pa ini sang mga pumuluyo sang sa mga kapulisan.
Suno sa iya, madugay na nga ginahunting sang mga otoridad ang lider sang robbery group kag antes paman nag-abot sa Bacolod si Pendon, kilala na ini nga kriminal.
Suno sa iya, nalakip sa Top 3 Most Wanted Person sang Station 2 si Cuadra kag yara man ini sa Top 10 sang Bacolod City Police Office.
Suno diri, maayo nga nadula na si Cuadra kag nahatagan sang hustisya ang mga ginpangkawatan snag grupo.
Wala man sini ginakalipay ang gindangatan ni Aki apang suno sa station commander, ini ang iya ginpili nga dalan gani iya man nakuha ang konsekwensya.
Aminado ini nga may mga miyembro pa sang robbery group nga nagapabilin nga aktibo apang nagalaom ini nga indi na sila magpadayon bangud wala na ang ila leader.
