May ara na sang person of interest ang Bacolod Police Station 2 sa insidente sang pagpangluthang sa duha ka lalaki sa Gatuslao Street, Barangay 9, Bacolod City sang Pebrero 12.
Sa interview kay Police Lieutenant Lyzel Guiniez, Deputy Station Commander sang Bacolod Police Station 2, isa sa duha ka biktima nga si alyas Krung Krung, 18 anyos, ang nagtaliwan on the spot, samtang ang driver nga si Alyas Noknok, residente sang Brgy. Mansilingan ang napaidalom na sang operasyon kahapon kag ginabantayan na sang mga otoridad.
Madumduman nga nakuhaan sang .38 caliber revolver ang duha ka biktima, kag ini ang gina-usisa subong sang kapulisan kun ngaa armado ang duha.
Suno kay Guiniez, ginatsekyar na nila ang mga CCTV footage kag agud ma-track ang mga suspek.
Suno diri, wala pa gihapon natukiban ang motibo sang krimen kag kun pila ang suspetsado.
Sa karon, ginahulat na lamang nga makarekober si alyas Noknok para sa nagakaigo nga imbestigasyon.
