-- ADVERTISEMENT --
Isa ka bulan ang hulaton sang Bacolod Police Station 3 antes makagwa ang resulta sang DNA test sa utod nga kamot nga nasapwan sa Ilang-Ilang Street, Barangay Bata sang tinalikdan nga bulan.
Sa intrerview sang Bombo Radyo kay Police Major Armilyn Vargas, station commander sang Bacolod Police Station 3, ginpadala sang Crime Laboratory ang specimen sa Cebu agud nga mapaidalom sa DNA test.
Tinutuyo sini nga may reference sa palaabuton kun may iban nga pamilya nga magclaim sang body part.
Tubtub sa karon, wala pa sang pamilya nga nagpadulong sa Bacolod Police Station 3 agud magpanugid nga may miyembro sang ila pamilya nga namissing ukon wala na sang natuo nga kamot.
Sa karon, ang kamot ang yara sa isa ka punerarya sa ciudad.
-- ADVERTISEMENT --
