Natalana nga makighinon-anon ang Bacolod Police Station 4 sa mga brgy officials sang Brgy Estefania kag private sectors nga luyag magdonar sang duta para sa bag-o nga police station nga patukoron.
Sa interview sang Bombo Radyo Bacolod kay Police Major Elmer Bonilla, Station Commander sang Bacolod Police Station 4, dako nga bulig sa ciudad ang plano nga pagpatukod sang tatlo ka dugang nga police station sa bahin sang brgy Banago, Vista Alegre kag Estefania.
Suno diri, kun kaisa mabudlay na para sa ila ang pagresponde sa Brgy Estefania bangod nahamtang sa Brgy Villamonte ang ila estasyon.
Suno kay Bonilla, ang kada police station may yara sang kapin sa 54 ka mga personnel, kag posible nga magakinahanglan sang 162 ka mga personnel para sa tatlo ka bag-o nga police station.
Pahayag sini, makighinon-anon ang Bacolod Police Station 4 sa mga brgy officials kag private sectors nga luyag magdonar sang duta nga patukoran sang bag-o nga police station apang mas maayo suno diri kun ang area ang accessible sa mga pumuluyo.
