-- ADVERTISEMENT --
May persons of interest na ang Bacolod Police Station 4 sa nagransak sang isa ka lechonan sa Barangay Villamonte, Bacolod City.
Sa interview sang Bombo Radyo Bacolod kay Police Captain Peter John Ramos, ginreport sang tag-iya ang insidente sang Enero 7 sang aga sang madiskubrehan nga ginsulod ang balaligyaan sang lechon.
Suno kay Ramos nagdangat sa P24,000 ang balor sang items nga nadula sa lechonan.
Suno sa station commander ginafollow na sang investigator on case ang cctv footage agud nga makabulig sa pagtumod sang identity sang suspek kag agud man madakop kag mapasakaan sang nagakaigo nga kaso.
