May yara na sang persons of interest ang Bacolod Police Station 4 sa duha ka suspek nga nagluthang-patay sa 37 anyos nga miyembro sang LGBTQ community sa St Francis Street Greensville II Subdivision, Barangay Villamonte, Bacolod City, kapin ala 1:30 kaina sang kaagahon.
Sa interview sang Bombo Radyo kay Police Captain Francis Depasucat, station commander sang Bacolod Police Station 4, may yara na sila sang ginalantaw nga duha ka mga persons of interest nga nagluthang-patay kay Jury Orario alyas Juriana, 37 anyos, residente sang nasambit nga lugar kag former job order casual sa ciudad kag isa man ka choreographer.
Sa ila imbestigasyon, naggwa nga may kaangtanan sa illegal nga druga ang rason sa pagpatay kay Orario kun sa gina-alegar nga nagabaligya kag nagagamit ini sang illegal nga druga.
Ginatinguhaan naman nga makakuha sang copy sang CCTV footage sa natabo nga pagpamatay.
Samtang, suno sa abyan ni Orario, alas 11:00 kagab-i nasugat-an sini sa dalan si Orario nga seryoso nga naga-usar sang iya cellphone kag wala man sini mahimo nga masapak si Orario.
