Padayon ang panawagan sang station commander sang Bacolod Police Station 4 sa publiko nga makig-angot sa ila ang sin-o man ang may yara sang himata nga wala makapauli.
Ini kasunod sang nasapwan nga bangkay sang ginapatihan babayi sa Sofia Gonzaga Avenue, Barangay Estefania, Bacolod City kahapon sang hapon.
Sa interview sang Bombo Radyo Bacolod kay Police Major Elmer Bonilla, may nagpadulong nga mga pamilya kag barkada apang negatibo bangud ang bayo ang indi amo.
Suno kay Bonilla, madugayan man ang pagwa sang resulta sang postmortem examination bangud ang bangkay ang kinahanglan pa i-examine sang operatiba sang Scene of the Crime Operation (SOCO) kag ang sample ang ipadala sa Camp Crame sa Manila bangud wala sang kapasidad ang regional office sa rehiyon ukon bisan sa Western Visayas kag sa Cebu sa paghimo sini.
Sa karun, padayon panawagan sang station commander sa mga pumuluyo nga may nadula nga himata nga makig-angot sa police station agud nga mabuligan nga matumod ang identity sang nasapwan nga biktima.
