Nagapadayon ang pagpatigayon sang mga kapulisan sang backtracking agud nga matul-id kun matuod ang gina-alegar nga natabo nga abduction sa isa ka college student sa Bangga Patio, Burgos St., Barangay Villamonte, ciudad sang Bacolod.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 4, nagapadayon ang ila nga imbestigasyon sa gina-alegar nga abduction.
Suno kay Depasucat, nagapadayon pa ang ila nga pagpangita sang mga ebidensya agud nga mataod-taod ini agud nga mahibaluan kun natabo gid man ang gina-alegar nga abduction.
Suno diri, padayon ang ila backtracking kag nagatipon man ang mga ini sang CCTV footages gikan sa ginatudlo nga lugar sang insidente.
Suno diri, kabahin sang ila backtracking ang pag-usisa sang mga nakakilala sa iya kag mga lugar nga nalabyan sini nga posible nga makabulig sa ila imbestigasyon.
