Gina-imbestigaran sang Bacolod City Police Station 6 kun napa-blotter sang biktima sang shooting incident ang nabaton nga pagpamahog sa iya kabuhi.
Sa interview sang Bombo Radyo Bacolod kay Police Captain Peter John Ramos, Station Commander sang Bacolod Police Station 6, ang biktima ang negosyante nga si Michael Garcia, 39 anyos, nga ginluthang kahapon sang hapon sa Brgy 40, Bacolod City.
Suno diri, tatlo ka igo ang na-agom ni Garcia sa bahin sang dughan, abaga kag sag-ang.
Witness ang empelyado ni Garcia nga kaupod sini sang natabo ang pagpangluthang kun sa diin nakit-an sini ang aktwal nga pagtiro kag siya ang ginhambalan pa sang suspek nga “maano ka, maintra ka man di”.
Suno kay Ramos, naga-backtracking sila sa karun sa pagtumod kun nakapablotter si Garcia sa nabaton sini sadto nga pagpamahog samtang padayon man ang ila nga imbestigasyon sa identity sang suspek.
