Wala sa gihapon sang lead ang mga kapulisan sang Bacolod Police Station 6 angot sa pagtiro-patay sa negosyante sa Libertad Extension, Barangay 40, Bacolod City.
Ang biktima nga ginkilala nga si Michael Garcia, 39 anyos, ang ginluthang sang Martes sang hapon.
Sa interview sang Bombo Radyo Bacolod kay Police Captain Peter John Ramos, Station Commander sang Bacolod Police Station 6, masako sa karun ang mga kapulisan sa pagtipon sang mga CCTV footages agud nga makabulig sa pagtumod sa suspetsado.
Sa karun padayon pa ang imbestigasyon agud matumod ang motibo sa pagpatay kasubong man sa identity sang suspect.
Samtang una na nga ginpahayag nga nakaagom sang tatlo ka igo sang bala si Garcia sa bahin sang dughan, abaga kag sag-ang.
Witness ang empelyado ni Garcia nga kaupod sini sang natabo ang pagpangluthang, kun sa diin nakit-an sini ang aktwal nga pagpangluthang kag siya ang ginhambalan pa sang suspek nga “maano ka, maintra ka man di”.
