Nagalaom ang Bacolod Police Station 7 nga mabatian ni Iver Larit ang panawagan sang iya pamilya nga magapauli na ini bangud sila ang nagakahangawa sang iya kahimtangan.
Sa interview sang Bombo Radyo sa agot nga bata ni Iver nga si Alvin Larit, residente sang Bangga Arca, Barangay Mansilingan, nagapahibalo gid ang iya amay kun sa diin ini makadto.
Sang Martes sang aga suno kay Alvin, naglisensya ang iya amay nga magatambong sa pagsinapol sang Kadamay angot sa mga residente sang isa ka purok sa Mansilingan nga natalana nga idemolish ang balay agud nga sila ang mabuligan apang wala ini nakabalik tubtub subong.
Aminado si Alvin nga napriso ang iya amay sang tuig 2011 apang nadismiss naman ang kaso.
Suno diri, nagalaom sila nga makapauli ang ila amay nga hilway.
Si Iver ang nagapuyo kaupod ang apat ka mga kabataan bangud wala na ini sang asawa.
Ginkumpirmar naman sang station commander sang Bacolod Police Station 7 nga nagkadto sa police station ang bata ni Larit agud iparecord nga missing ang iya amay.
Suno sa iya anak, naglakat ang iya amay agud mangita sang kinawala apang wala nakapauli tubtub subong.
Suno sa bata, nagaring lang ang cellphone sang iya amay apang wala sang nagasabat.
Nagalaom naman si Bonilla nga magapauli man si Larit.
Sa initial investigation sang Police Station 7, wala man si Larit sang previous nga criminal record sa police station.
