Naglibot sa Bacolod Public Plaza si Mayor Greg Gasataya agud lantawon ang mga dapat nga kay-uhon, kakason kag i-improve sa plaza.
Kaupod sang akalde sa pag-inspect sa plaza ang City Legal Office, City Engineer’s Office, Bacolod Environment & Natural Resources Office (BENRO), Disaster Risk Reduction & Management Office (DRRMO), Office of the Building Official (OBO) kag General Services Office.
Suno kay Gasataya, nakita sini nga madamo sang patay nga sanga sang kahoy nga nagapadulom sa area amo nga tuyo sini ipakakas agud mangin masanag ang lugar.
Suno pa diri, pangkakson man ang mga christmas lights nga guba na apang nasab-it sa gihapon sa mga puno sa plaza.
Luyag man sang alkalde nga pasigahon ang tanan nga suga sa plaza kun gab-i kag may yara na sang ginbutang nga in-charge para sa lightings.
Dugang pa sini nga kay-uhon ang comfort rooms kun sa diin dapat pasuyopan na ang septic tanks kag kay-uhon ang kisame, pertahan, salog, kag gripo.
Apang suno kay Gasataya, indi pa makahimo sang dalagko nga improvement sa plaza bangod may yara man sang kay-uhon ang Tourism Infrastructure and Enterprise Zone Authority (TIEZA) sa Bacolod Public plaza.
