Magapatigayon sang public hearing ang Sangguniang Panlungsod sang ciudad sang Bacolod sa Lunes agud nga diskusyunan ang reklamo sa BACIWA kag PrimeWater.
Sa interview sang Bombo Radyo Bacolod kay Wennie Sancho, convenor sang Water Watch Negros, sa Lunes, Hulyo 14, ala-1:30 sang hapon may yara sang public hearing sa pagpanguna ni Councilor Bobby Rojas, chairman sang committee on energy and public utilities.
Suno diri, ini ang sabat sang SP sa letter sini nga ginpadala sang Hulyo 3 nga nagarequest sang public hearing.
Pahayag ni Sancho, diskusyonan kun ano ang ginhalinan sang problema kag kun ngaa indi ini gilayon mahatagan sang solusyon.
Apang, suno sa convenor kun kaisa apisar nga may yara sang public hearing, wala man sa gihapon sang may nagakatabo agud masolbar ang problema apang sa karun nagalaum ini nga may yara sang tikang nga ihatag agud indi na mag-antos ang mga pumuluyo nga madugay na nagareklamo sa supply sang tubig sa ciudad sang Bacolod.
