Natalana nga magapanumpa sa Partidong Federal ng Pilipinas ang Team Asenso.
Suno kay Bacolod City Mayor Alfredo “Albee” Benitez, sa Hwebes, Setyembre 12 natalana nga magpanumpa ang Team Asenso sa Manila.
Suno kay Benitez, igafacilitate ni Secretary Antonio Lagdameo Jr. ukon ni South Cotabato Governor Reynaldo Tamayo Jr.
Pahayag sang alkalde, may iban man nga nagikan sa iban nga Local Government Unit ang magaupod man sa ila sa pagpanumpa.
Suno diri, igafinalize pa sini ang listahan sang magaupod sa iya sa oathtaking gikan sa Bacolod apang inisyal, napulo ang magaupod sa iya.
Samtang magapatigayon man sang convention sang Team Asenso sa ciudad sang Bacolod sa maabot nga Domingo, September 15, 2024.
Suno sa alkalde, bangud mauna ang oathtaking dal-on nalang sini ang tanan nga interesado nga magapapili sa convention kag kun sin-o man ang mapilian diri, ang indi na kinahanglan magpanumpa liwat.
May yara naman sang duha ka slots para sa pagkakonsehal ang ginapilian para sa linyada sang Team Asenso.
