Ginalauman ang pagdamo sang mga bisita sa ciudad sang Bacolod subong nga bulan sang Pebrero.
Sa interview sang Bombo Radyo kay City Tourism Officer Teresa Manalili, mas nagdako na ang opisina sang tourism office kasubong man ang manpower.
Suno diri, back on track na ang turismo sa ciudad sa ginalauman nga madamo nga bisita ang maga-abot sa karun nga bulan.
May yara sang kapin sa 2,000 ka mga bisita para sa golf tournament, kapin sa 3,000 ka attendees para sa Philippine Association of Local Treasurers and Assessors (PHALTRA) covention, kapin sa 3,000 man nga bisita para sa egames sports, kag kapin sa 2,000 ka delegates para sa Philippine Association of Water Districts national convention.
Nakig-angot naman ini sa Bacolod City Police Office, Bacolod Traffic Authority Office, Disaster Risk Reduction and Management Office, hotels, restaurants kag iban pa agud makapeprarar sa pag-abot sang turista.
Ini man ang makabulig sa pagpasanyog sang negosyo sa ciudad para sa hotels, restaurants, mga transport sector kag iban pa.
