Ginkumpirmar ni Bacolod Traffic Authority Office head Patrick Leonard Lacson nga preparado na sila sa pagpatuman sang Car Free Sunday sa Domingo, Hunyo 9.
Una na nga ginpahayag ni Bacolod City Mayor Alfredo “Albee” Benitez, nga siraduhan ang South Capitol Road padulong sa Bangga Ramos halin alas-5:00 ang takna sa kaagahon tubtob alas-9:00 sa aga.
Bangod Environment Month ang bulan sang Hunyo, ini ang pamaagi sang ciudad agud maibanan ang pinakadako nga contributor sa climate change kag greenhouse effect, ang pollution gikan sa tabutso sang mga salakyan.
Ang proposal ang una na nga naaprubahan sang Bacolod Traffic Authority Council (BTAC) meeting, kun sa diin sa pagsirado sang 1.2 km nga dalan ini ang mangin bukas naman para sa mga pedestrians ukon luyag magwalking, jogging kasubong man sa mga bikers.
