Ginpanawagan sang mga transport groups nga nakigbahin sa State of the Transport Address (SOTA) nga ginpatigayon sa atubang sang Bacolod City Government Center nga gilayon nga pahalinon sa pwesto si Bacolod Traffic Authority Office (BTAO) Head Patrick Leonard Lacson.
Suno diri, nakita sa ginhimo nga pagtow sang modernized jeepney apisar nga maathag nga ginapahayag sang LTFRB kag LTO nga wala kinamatarong ang BTAO nga mang-impound sang mga units.
Matapos nga gin-impound ang modernized jeepneys kag ginpagawad sa Choret Corporation, ginalantaw sang mga ini nga kaangay nga nangin ahente sang kompanya si Lacson.
Panindugan sini nga may legal issues pa sa tunga sang mga operators kag management gani dapat ginpatawag anay ang natungdan matapos mabatun ang complaint sang Choret.
Dugang pa sini nga sa korporasyon, isa lamang ang business permit, apang ang mga units ang wala lang na-issuehan sang City Sticker kag Body Number bangod may intra-corporation issues ukon may problema sa PUV Modernization Program.
