Luyag sang Bacolod Traffic Authority Office nga butangan sang markings ang pila ka bahin sang ciudad agud nga may basehan sa insakto nga pagparking sang mga motor kag salakyan.
Sa interview sang Bombo Radyo kay BTAO Head Police Major Junji Liba, plano sini nga magbutang sang marking agud sundon sa husto nga pagparking, apang sa karun nga malain pa ang tiyempo, ginalauman sini nga sa Lunes sila maga-umpisa sa pagpinta.
Nagapati si Liba nga makabulig ini agud mahatagan sang ligwa ang trapiko sa dalanon.
Sa Downtown, nakita sini nga nagapinagsuto lang ka-park kun diin-diin ang mga motorista sang ila motor kag kasubong man sa mga salakyan.
Isa pa gid sa nakita sini amo ang Bonifacio Street nga dapat may marking man nga kun makagulo lang sang salakyan husto na lang dayon nga bayaan.
Sa dalan Lacson, suno kay Liba, indi allowed ang pagparking apang kun may yara naman sang kaangay nga night business, sila makapark alas 7:00 sang gab-i kag dapat nga maghalin naman alas 7:00 sang aga.
Madamo naman sang reklamo sa mga drayber sang public transport nga bisan diin lang naga-untat kag nagakuha sang pasahero nga indi na insakto.
Kasubong man nga nakita sini nga nagapanguna sa Bacolod amo ang mga drayber sang pribado nga salakyan nga sila nga salawayon, sila pa ang nagareklamo.
