Bacolod Traffic Authority Office, magapatigayon sang shifting sa duty sa Semana Santa

Magapatigayon sang shifting sa duty ang personnel sang Bacolod Traffic Authority Office sa pala-aboton nga Semana Santa.

Sa interview sang Bombo Radyo kay BTAO head Patrick Leonard Lacson, wala sang untat sa trabaho ang ila personnels sa Holy Week apang sa karun, wala pa sang pagbag-o sa ila duty samtang wala pa sang ginalantaw nga numero sang mga magadagsa sa ciudad sang Bacolod.

Suno diri, sa karun shifting sa duty ang plano sini nga himuon ilabi na sa mainit nga tiyempo.

Nag-secure naman ini sang supply sang tubig sa bulig man ni Bacolod City Mayor Alfredo Albee Benitez para sa mga personnels.