255 ka traffic enforcers kag personnel ang igadeploy sang Bacolod Traffic Authority Office halin sa pagsugod sang administrasyon ni Mayor Alfredo Benitez.
Sa interview sang Bombo Radyo kay BTAO head Police Major Junji Liba, filled up na ang tanan nga required nga traffic enforcers gani ginsirado na ang paglista sa mga luyag nga mangin job order casuals bilang manug-direct sang dalagan sang trapiko.
Suno kay Liba, indi pa sigurado kun pila ang budget nga nabilin para sa tuig 2022 gani ginprioritize lang ang deployment sa dalan.
Sa karon, inugsumiter na sa Office of the City Mayor ang listahan sang mga traffic enforcers agud nga maaprubahan.
Suno sa BTAO head, ang 255 ka traffic enforcers ang ginalakipan sang 200 ka enforcers, samtang ang iban ang para sa engineering, education, administration kag implementasyon sang truck ban.
Kun kinahanglan gid nga magdugang suno kay Liba kag may yara pa sang pondo, mahimo nga magahire naman sang dugang nga traffic enforcers.
Suno kay Liba, 80 percent sang mga traffic enforcers nga ila ginkuha ang hired naman sang tinalikdan nga administrasyon.
