Nagdeploy na sang dugang nga mga traffic enforcers ang Bacolod Traffic Authority Office agud magderiher sang trapiko sa ginaconstruct nga Sum-ag Bridge.
Sa interview sang Bombo Radyo Bacolod kay Jojo Robello, deputy officer-in-charge sa Bacolod Traffic Authority Office (BTAO), ginalauman nga makabalik ang kabug-usan nga operasyon sang taytay sa Pebrero 14 ukon 15.
Pahayag sini nga nag-umpisa na sa pagbuhos sang semento sa isa ka lane sang southbound bridge para sa expansion, gani ang northbound bridge na lamang sa karun ang operational.
Samtang ang isa ka lane sa northbound bridge ang ginahamtangan naman sang mga cement trucks.
May-ara naman sang alternate route lusot sa Barangay Sum-ag, labay sa Barangay Tabunan, Bago City tubtob sa makalapos sa Barangay Cabug, Bacolod City.
Apang ini ang tuman na ka malayo gani madamo gihapon sang nagalabay sa Sum-Ag bridge nga nagatuga sang mabug-at nga trapiko.
Suno kay Robello, sila ang nagdeploy na sang traffic personnel kag magadeploy pa sang dugang agud maggiya sa mga motorista.
