Gin-athag sang Bacolod Traffic Authority Office nga indi pagpamigos ang pagdakop sa mga driver sang electric bicycle nga nagabyahe sa national highway ukon mayor nga dalanon sa ciudad.
Sa interview sang Bombo Radyo kay Rodolfo ‘Bebot’ Song, administrative officer sang BTAO, naghatag ang BTAO sang warning nga magasugod na ang pagdakop sa mga nagalapas sa ordinansa.
Suno diri, City Ordinance 650 ang nagadumili sa mga tricycle nga magbyahe sa national highway samtang City Ordinance 270 naman para sa trisikad.
Suno kay Song, indi pagpigos kundi pagdisiplina sa mga nagagamit sang dalan nga indi sarang makabyahe sa national highway ang tricycle kag trisikad.
Aminado ini nga masakit man dakpon ang mga violators bangud pigado man ang ila pangabuhi apang ila lang ginapatuman ang city ordinance.
Suno kay Song, wala sang insurance ang trisikad gani wala sang may makuha ang ila masagairan ukon ang ila pasahero.
Ini ang kaangay na gid lamang sang insidente tinalikdan nga semana nga nasagairan sang e-bike ang isa ka SUV halin sa ulo padulong sa buli nga naghilibion gid ang driver apang indi man mabayaran ang damage bangud wala sang insurance ang e-bike.
Barato naman ang multa sa violator bangud sila ang nagabayad sang P100.
