Ginakasubo sang pinuno sa Bacolod Traffic Authority Office (BTAO) nga sila ang wala sang ikasarang sa pagpangdakop sang mga overloaded nga mga tricycle bangod ini ang wala nakapagkit sa ordinansa sang syudad.
Madumduman nga sang damlag lamang, isa ka 18 anyos nga estudyante nga babayi ang na-utdan sang kamot matapos nga maaksidente ang ginasakyan sini nga tricycle sa Barangay Mansilingan, kun sa diin ini ang nakabunggo sa modernized jeepney matapos madulaan sang kontrol bangod sa overloaded nga pasahero.
Sa interview sang Bombo Radyo Bacolod kay BTAO Head Police Major Junji Liba, ang syudad sang Bacolod ang may ara sang mga ordinansa batok sa mga nagabyahe sa out of route ukon out of line kasubong man sa mga colorum nga tricycle, apang wala sang napatpat nga pagsulundan tuhoy sa overloading.
Bangod wala sang kasuguan, indi man mahimo sang BTAO nga magpanakop kag wala man ang mga ini sang penalidad.
Bangod sini, ginapanawagan man ni Liba nga maaddress sang Committee on Transportation sa Sangguniang Panlungsod ang nasambitan nga problema kag makahuman na ang mga ini sang ordinansa batok sa overloading.
Pahanumdom man sang BTAO Head nga dapat magserbe na nga go signal ang natabo nga trahedya kag himuan na sang pagsulundan indi nga magahulat pa nga may magluntad nga kaangay nga insidente antes maghulag.
