Ginpahayag sang pinuno sang Bacolod Traffic Authority Office nga wala sang dapat nga ikaalarma ang mga pumuluyo sa patigayunon nga tatlo ka adlaw nga transport strike sang unconsolidated traditional jeepneys.
Sa interview kay Patrick Leonard Lacson, wala sang dapat nga kahangaw-an ang mga commuters bangud bastante ang mga modernized jeepneys nga magacater sa ila.
Suno kay Lacson, panilagan nila ang sitwasyon kag kun kinahanglanon mahatag ang mga ini sang vehicle assistance sa mga stranded nga pasahero.
Suno diri, nakaestorya man ini sa mga nagkalain-lain nga kooperatiba sang mga consolidated kag modernized jeepneys nga may yara ang mga ini sang patigayunon nga pressconference subong nga adlaw kag ini man ang ginabantayan sang mga ini agud mahibaluan ang sentiyemento sang transport sector.
Suno diri, wala man sang problema ang transport strike sang unconsolidated jeepneys bangud dapat wala man gid ang mga ini nagabiyahe bangud wala ang mga ini sang prangkisa kag mga papeles.
Nagpanugyan man ini sa mga commuters nga pilion ang ginasakyan nga may mga nagakaigo nga papeles.
