Ginakabig sang pinuno sang Bacolod Traffic Authority Office nga nahuman nila sa 90 porsyento ang ila trabaho sa selebrasyon sang Semana Santa.
Sa interview sang Bombo Radyo kay Bacolod Traffic Authority Office Head Police Police Major Junji Liba, ang lakat sang trapiko sa selebrasyon sang Semana Santa wala man nangin perpekto bangod nga madamo sang nagpadulong sa madalagko nga simbahan kag kulang nga koordinasyon sang iban nga simbahan, makabig sa gihapon nga 90 porsyento nga nahuman nila ang ila trabaho.
Suno diri, sila nagkaproblema sa trapiko bangod nga madamo sang nagpadulong sa mga simbahan kag apisar nga nakahanda ang ila preparasyon para sa prusisyon, may mga simbahan nga wala nakahatag sang ila schedule gani may yara sang nagsugat-anay nga prusisyon apang ila man ini na-akomodar bangod na nga seal-off na ang area.
Pahayag ni Liba, sa natapos nga Semana Santa, magadeploy man sila sa gihapon sang mga personnel kag traffic enforcers pabalik sa ila nga duty.
