Paga-imbistigaran pa kun matuod ang pahayag sang tricycle driver nga siya ang indi isa ka colorum apang ini ang ginticketan kag ginkuhaan sang lisensya sang personnel sang Bacolod Traffic Authority Office (BTAO).
Sa pahayag sang tricycle driver nga si alyas Neneng, siya ang ginticketan kag ginkuhaan sang lisensya sang personnel snag BTAO nga si Sir Castaña sa sugo ni Sir Dela Peña.
Apang sa interview sang Bombo Radyo kay Bacolod Traffic Authority Office Head Police Major Junji LIba, ginkumpirma sini nga wala ini sang nakilala nga personnel nga Castaña, apang si Dela Peña ang miyembro lamang nga may sarang magdakop sang colorum apang wala naman ini sang right nga magmando sa kun sin-o ang pagadakpon.
Suno kay Liba, pagahatagan ini sang husto nga imbestigasyon nga mahibaluan kun sin-o ang personnel nga yara didto sadto nga tion.// Aminado man ini nga madamo na sila sang nabaton nga rason gikan sa mag tricycle driver nga sila wala nagabyaghe kag wala man sang pasahero, apang suno diri, kun may yara sang kulang nga papeles, ila ini pagadakpon.
Panawagan sini nga untaton ang pagbyahe nga wala sang legal nga papeles para nga indi na madakpan kag magmulta sang penalty.
Samtang, sa sulod sang apat ka adlaw, humalin sang Lunes may yara na sang 150 ka mga nadakpan nga colorum nga mga trciycle lakip na diri ang na-impound nga mga motorsiklo.
