May dugang nga panugyan ang Bacolod Traffic Enforcement Unit sa mga festival goers samtang nagapasako na ang Masskara Fetival 2026.
Sa interview sang Bombo Radyo kay Bacolod Traffic Enforcement Unit Chief Pmaj. Elmer Bonilla, amat-amat na nga nagasako ang mga salakyan gani double man ang pagtrabaho sang mga otoridad agud mabuligan ang mga pumuluyo nga mangin matawhay ang selebrasyon.
Suno kay Bonilla, wala sang narecord nga dako nga traffic incident kag kadam-am mga minor incident lamang sa subong nga Masskara Festival.
Suno diri, indi malikawan ang pag-inom sang makahulubog nag ilimnon bangud amo ini ang ginahulat sang tawo.
Apang ginpanugyan sini nga kun nagakalipay indi gid pagkalipatan ang responsibilidad.
Suno kay Bonilla, kun indi na masarangan magmaneho, dapat may ara sang upod nga wala naka-inom sang makahulubog nga ilimnon agud luwas nga makapauli.
