Bacolod Traffic Enforcement Unit wala sang may narekord nga aksidente sa dalanon padulong sa Masskara Festival sites

Wala sang may narekord nga nagluntad nga aksidente sa mga dalanon padulong sa festival sites sang Masskara Festival.

Sa interview sang Bombo Radyo Bacolod kay Police Major Elmer Bonilla, Traffic Enforcement Unit head sang Bacolod City Police Office, ang Masskara Festival amo ang pinakamalawig nga ginaselebrar nga festival sa Pilipinas.

Suno diri, challenge man ini sa ila bangod malawig man ang ila trabaho agud mahagan-hagan ang traffic sa dalan.

Suno diri, iya ginakalipay nga bisan masako kag mabug-at ang trapiko, nagabuligay ang TEU kag Bacolod Transportation and Traffic Management Department (BTTMD) kag riding public.

Samtang, kaina sang aga amat-amat na nga ginpanghimos ang mga gintukod nga stage sa dalan Lacson agud mahawanan na ang dalan.