Nangin second placer ang ultra marathoner nga tumandok sang Bacolod City sa ginpatigayon nga Ultra Milano- Sanremo Race sa Italy.
Sa interview sang Bombo Radyo kay Rolando Espina, natapos sini sa sulod sang 36 oras ang 285 km race, nga wala sang untat, bisan nga gab-i kag nagka-infection pa sa tiil.
Suno diri, nag-umpisa nga 63 ang numero sang participants apang 30 lamang ang nakatapos.
Iban diri ang nagback-out bangod sa init nga nagdangat sa 30 degrees.
Samtang, nangin kabudlayan naman para sa iya amo sang siya ang natuslok sang buyog sa tiil apang, apisar sini wala ini nag-untat sa pagdalagan.
Sa race, nangin second placer si Espina samtang nangin third placer naman ang abyan sini nga isa man ka Filipino.
Sa karun may palaabuton na naman ini nga race nga paga-intrahan nga patigayunon sa France kaupod sini ang duha ka Pilipino.
Samtang, sa tanan naman nga napartisiparan sini nga race, ang pinakamalawig nga race nga iya naintrahan amo ang ginpatigayon diri sa Pilipinas.
