Natalana nga pasidungaan ang isa Filipino Scientist nga tumandok sa ciudad sang Bacolod sang Jose Rizal Heritage Award Laureate for Medical Research and Education matapos ang pagpakigbato sa outbreaks sa Oktubre 3, 2026, sa Bern, Switzerland.
Nag-eskwela si Dr. Melvin Sanicas sang biology kag medicine sa University of the Philippines antes nagpadulong sa nagkalain-lain nga pungsod lakip na ang Asia, Europe, United States kag Africa sang sang 2006.
Bilang physician-scientist, nakatutok ang trabaho ni Sanicas sa medical research, infectious diseases kag public health.
Sa simple nga pamaagi, ginlaragway sini ang iya trabaho bilang pagbulig agud malikawan ang paglapta sang outbreak kasubong man sa paglapata sang mga balatian.
Apang para kay Sanicas, indi lamang sa laboratory kag clinic makatuon ang isa ka scientist.
Importante man suno sa iya, ang mga pasyente, kaupdanan kag mga nakesperyensyaham nga indi sarang matun-an sa mga libro lamang.
Suno kay Sanicas, samtang mas madamo siya nga nakilala nga mga tawo nga may lain-lain nga kultura sa bilog nga kalibutan, mas nahatagan niya sang importansya ang mangin isa ka Pilipino.
Para sa iya, importante ang nasambit nga award bangud isa man ka doctor si Rizal kag nagapati nga dapat gamiton ang mga ihibalo para sa kamaayuhan sang tawo.
Mensahe sini sa mga kabataan nga magapabilin nga bukas sa padayon nga pagtuon, mangin humble kag dapat makahibalo mag-adjust.
