Ginkilala bilang top 2 sa bug-os nga Pilipinas sa patag sang badminton ang tumandok sang ciudad sang Cadiz.
Sa interview sang Bombo Radyo kay Jordan Sun, Jaguar Badminton coach, indi mahapos ang magparticipate sa national competition amo nga dako ang kalipay sini nga dako na ang achievement ni Clarence Villaflor.
Suno diri, bilang coach ni Villaflor, iya lamang ginahatagan balanse ang schedule sa training kag pag-eskwela sang atleta.
Nakaligad nga Masskara Festival Badminton Tournament napierde ni Villaflor ang Rank 1 sa Pilipinas amo nga ginahulat pa nila sa karun ang latest update sa ranking.
Kun matigayon nga makuha ni Villaflor ang rank 1, siya ang mangin pinakauna nga atleta gikan sa ciudad sang Cadiz kag probinsya sang Negros Occidental nga makakuha sang pwesto.
Tuman naman ang kalipay ni Clarence Villaflor sa tanan nga achievement sini.
Suno diri, iya lamang ginabalance ang training kag pag-eskwela sini.
Dako ang pagpasalamat sini sa tanan nga nagsuporta sa iya samtang madamo pa ini sang ginapaabot nga mga tournament.
