Opisyal na nga nagpungko ang bag-o nga commander sang 302nd Infantry Brigade sang Philippine Army.
Nagpungko na si Col. Joey Escanillas bilang bag-o nga commander sang 302nd Infantry Brigade kun sa diin ginbuslan sini si outgoing 302nd commander Brigadier General Leonardo Pena kun sa diin magapungko naman bilang deputy commanding officer sang 3rd Infantry Division sang Philippine Army sa Jamindan, Capiz.
Sa interview sang Bombo Radyo Bacolod kay Col. Joey Escanillas, padayunon lamang sini ang government efforts nga ginapatigayon sang 302nd Infantry Brigade in collaboration sa iban nga law enforcement agencies sa ila nga area of responsibilities.
Suno kay Escanillas, bag-o pa lamang ini nga nagpungko gani kinahanglan pa sini nga tun-an ang mga government efforts nga nahimo sang 302nd IB agud nga masustiner niya ini.
Samtang, ginpahayag man sini nga bilang pagpanghanda sa patigayunon nga Barangay kag SK elections sa bulan sang Oktubre, magacoordinate ini sa Commission on Elections kag Philippine National Police agud matumod ang election hot spot areas sa Central Visayas.
Ginpahayag man sini nga magapabilin ang numero sang personnel 302nd Infantry Brigade matapos nga nagapadayon ang security efforts nga ginapatigayon sang tropa sang gobyerno sa Negros Oriental kasunod sang Pamplona massacre bangud may yara man sang force multipliers kag law enforcement agencies nga nagabulig man sa tropa sang gobyerno.
Si Escanillas ang anay commander of the Amed Forces of the Philippines Joint Task Force-Cebu.
