Nagpromisa ang bag-o nga commander sang 303rd Infantry Brigade sang Philippine Army nga himuon sini ang iya masarangan agud mapadayon kag ma-improve pa ang maayo nga pagdumala ni retired Commander Brigadier General Inocencio Pasaporte.
Suno kay Colonel Michael Samson, kun ini ang palaron kag himuon sang Army ang designation nga gintugyan sa iya nga permanente, mas manami.
Apang sa karun, suno diri, iya padayunon ang manami kag maayo nga nasuguran ni Pasaporte.
Suno sa iya, kun operations ang paga-istoryahan, maayo naman ang 303rd Infantry Brigade kag sa Bag-ong Tuig, iya pa iga-asses kag lantawon kun ano pa ang sarang nga maimprove.
Samtang, nagpanugyan naman ini sa mga New People’s Army nga luyag nga magbalik sa ila pamilya nga apisar nga wala sang ceasefire, handa sila nga magbaton kag magbulig sa mga ini agud makabalik sa pagpangabuhi sang normal.
