Bag-o nga director sang Bacolod City Police Office, ginhingadlan na

Kumpirmado na nga magapungko bilang bag-o nga director sang Bacolod City Police Office amo si PCol Joeresty Coronica.

Siya ang tumandok sang ciudad sang Bacolod kag amo ang magabulos kay anay city director PCol Noel Aliño

Antes mangin city director sang BCPO, si Coronica amo ang Iloilo City Police Office director.

Siya ang pagabuslan ni PCol Kim Legada bilang ICPO director.

Epektibo, bwas nga adlaw ang pagpungko ni Coronica bilang BCPO director.