![](https://img.bomboradyo.com/bacolod/2019/05/d4fee13c6d8744ed910cf8928b0681f7-3.jpg)
Gina-lauman ang linibo ka tawo nga magatambong sa pinaka-una nga public appearance sang bag-o nga Emperor kag Empress sang pungsod Japan sa Mayo 4.
Suno kay Bombo Samurai Correspondent Josel Palma, matapos ang pag-pungko kahapon ni Crown Prince Naruhito bilang ika-126th nga Emperor kag sang asawa sini nga si Princess Masako bilang Empress, ginabantayan sa subong sang tanan ang paggwa sang duha sang anum ka beses sa isa ka adlaw sa balcony sang Imperial Palace sa Chiyoda ward sa Tokyo agud mag-atubang sa publiko bilang bag-o nga Emperor kag Empress.
Sa ginpatigayon nga seremonya kahapon sang aga sa state room sa Imperial Palace, ginturn-over kay Emperor Naruhito ang “3 scared secrets” nga ginalakipan sang “sword, jewel, kag mirror” pamatuod lamang nga siya ang isa na ka Emperador sa diin ini ang gin-saksihan sang 300 ka mga importante nga tawo lakip na si Prime Minister Shinzo Abe.
Sa Oktubre 22 naman suno kay Palma patigayunon ang actual enthronement ni Emperor Naruhito.
Sa pag-pungko sang bag-o nga Emperador, nag-umpisa naman ang Reiwa Era ukon “Beautiful harmony” kag nagtakop naman ang heisei Era ukon “peace accomplishments” ni Emperor Emeritus Akihito.
Sa pagbiya ni Emperor Emeritus Akihito sang Japan sa iya nga trono, otomatik nga magahalin ini sa Imperial Palace kag makaksan na sang katungdanan upod ang iya asawa nga si Empress Emeritas Michiko kag ordinaryo na nga mangabuhi sa Imperial Takanawa.
Apisar sini, maga-pabilin sa gihapon ang pagkilala sa ila bilang isa sa pinaka-respetado nga tawo sa pungsod Japan.
Nahibaluan nga tuig 2016 sang naghingyo si Emperor Emeritus Akihito nga mag-panaog sa iya trono bangud sa katigulangon na sini kag sa iya nga panglawason kag ini ang ginhisugtan naman sang monarkiya.
Base naman sa layi sang monarkiya, indi pwede maka-panaog ang isa ka Emperador sa iya trono magluwas lang kun siya ang maga-retiro ukon ang napatay na.