Aminado ang punong barangay sang Barangay 2 sa ciudad sang Victorias, Negros Occidental nga tuman kasako ang trabaho sang mga ini kag ginakulang na ang oras sa pamilya bangud sa trabaho sa barangay.
Sa interview sang Bombo Radyo Bacolod kay Punong Barangay Richard Julius Sablan, ang barangay ang pinakagamay nga entity sang gobyerno apang ang punong barangay ang ginaubra ang tatlo ka function sang gobyerno kag ini ang ginalakipan sang executive, legislative kag judiciary.
Suno kay Sablan, ang punong barangay man ang nagasolbar sang mga gamo sa barangay, nagaupod man ini sa mga barangay kagawad nga maghimo sang mga barangay ordinanses kag ang punong barangay man ang nagadesisyon kun ano ang dapat kag ano ang makapamaayo sa isa ka barangay.
Gani nagakadapat gid nga ang nagapungko nga punong barangay ang committed sa tanan nga butang bangud siya ang una gid nga palapitan sang mga pumuluyo.
Kaangay lamang kun wala sang tilig-angon, may nagamasakit sa pamilya kag madamo nga iban pa.
Suno kay Sablan, luyag sini ipahibalo sa mga kasubong niya nga punong barangay nga indi lang sa pamilya magatiyog ang oras sang mga ini kundi sa mga pumuluyo man sang barangay.
