Ginpangunahan ni Negros Occidental Governor Eugenio Jose “Bong” Lacson kag Negros Occidental Vice Governor Jeffrey Ferrer ang unveiling sang bag-o nga logo sa official launching sang Panaad sa Negros 2023 kahapon.
Sa openning message ni Governor Lacson, ginakalipay sini nga handa na liwat ang probinsya sa pagselebrar sang Panaad sa Negros Festival matapos ang tatlo ka tuig nga hiatus bangud sa COVID-19 pandemic.
Ginpasalamatan man ni Lacson ang kaayo sang Ginoo nga gintugutan sini ang mga opisyales kag iban pa nga stakeholders nga makatipon sa atubang sang kapitolyo sa paglunsyar sang ginakalangkagan nga festival sa probinsya.
Suno kay Lacson, ang liwat nga pagasaulog sang festival ang indi pagresume sini matapos nga wala na selebrar sa tion sang pandemya kundi ini ang commemoration sang resilience, perseverance, hope and faith sang probinsya kasunod sang mga naagyan sa nakaligad nga tatlo ka tuig.
Ginpasalamatan man sang gobernador ang bise gobernador, Sangguniang Panlalawigan members, Mayors, Congressman kag tanan nga nagtambong sa launching bangud sa wala punaw nga suporta nga ginpakita para sa Masskara Festival.
Suno sa gobernador paagi sa ginapakita nga suporta sa probinsya sang mga local government units nakahibalo ini nga mangin madinalag-on ang paghanduraw sang mga pagpangabuhi sang mga tawo sa Negros Occidental paagi sa pagselebrar sang Panaad sa Negros Festival.
Samtang, nalangkag naman ang bise gobernador sang probinsya sa ipakita nga mga locally made nga produkto, talento, pagkaon kag iban pa nagikan sa 19 ka mga banwa kag 13 ka syudad sa probinsya agud nga mapromote ang local government units.
Sa speech ni Negros Occidental Vice Governor Jeffrey Ferrer, nagakalangkag ini nga masaksihan ang mga matabo sa pagselebrar sang Panaad sa Negros Festival.
Nagpanawagan man ini sa mga pumuluyo nga bululigan kag himuon ang tanan agud nga mangin madilag-on ang selebrasyon.
Ang bag-o nga logo sang Panaad sa Negros ang ginabug-usan sang elemento nga ang adlaw, ang tubo, ang Carabao, ang Train (Iron Dinosaur), kag ang Capitol.
Ang adlaw ang pahanumdom sang paglaom kun sa diin ang kada adlaw ang nagatanyag sang oportunidad sang bag-o nga umpisar kag pagexplore sang mga posibilidad.
Ang tubo bangud ang Negros ang Sugar Bowl of the Philippines kun sa diin ang estorya sang Negros Occidental ang naghalin sa tubo kag ini ang simbolo sang resilience kag ang abilidad nga mangatubang sang mga paghangkat bangud ang tubo bisan bagyuhon ang padayon nga nagatindog.
Ang karbaw ang simbolod sang kabakod, power, perseverance kag hardwork ang mga pamatasan nga dapat pamaresan.
Ang train nga ukon ang mas kilala nga Iron Dinosaur sang Negros Occidental ang nagasimbolo efficiency kag pagumwad sang probinsya.
Samtang ang kapitolyo naman ang simbolo sang pagprotekta kag pagsiguro sang seguridad, welfare kag well-being sang mga Negrense.
