Ginturn-over sang tatlo ka bata sa Murcia Municipal Police Station ang bag nga ila nakit-an nga naga-unod sang kwarta.
Sa interview sang Bombo Radyo kay Police Chief Master Sergeant Rio Araño, desk officer sang Murcia Municipal Police Station, nagalagaw ang tatlo ka bata sang may nakita sila nga bag sa kilid sang kampo.
Ila ini ginkuha kag nakita nga may masobra isa ka libo nga kwarta kag gindala sa estasyon sang pulis.
Makaligad ang pila ka oras may isa ka tapasero nga nagreport nga ginkuha sang mga bata ang iya bag apang didto sini nakita nga ginturn-over sa pulis ang iya gamit.
Ginahatagan naman sang kwarta kag bugas ang tatlo ka bata bangod sa ila maayo nga ginhimo.
Pahanumdom ni Araño nga indi pag-ibilin kun diin-diin lang ang gamit kag mas maayo nga isafety ini agud indi pagkuhaon sang iban nga may malain nga tuyo.
