Bag-o nga milyonaryo sa grand draw sang Swerte sa Pelengke Promo 2026, gikan sa National Capital Region; Tatlo ka mga guaranteed winners napilian na subong nga hapon

Nagikan sa nagabukid nga entries nga natipon sang Bombo Radyo kag Star FM halin sa week number 1 sang Swerte sa Palengke Promo 2026 asta subong nga adlaw, napilian na ang maswerte nga mga tagdaog nga magabaton sang mas dalagko nga premyo.

Ini ang kadungan sang grand draw nga ginpatigayon subong nga Sabado sang hapon, Setyembre 5.

Ang pinakamaswerte sa tanan amo ang tagdaog sang tumataginting nga P1 million cash nga si Albert Bautista, 42-anyos, residente sang 64 14th Avenue, Brgy Socorro Murphy, Quezon City.

Si Bautista ang naggamit ang proof of purchase nga Puregold.

Siya ang naghulog sang entry sa Star FM Manila.

Samtang sa mga naghulog diri sa Bombo Radyo kag Star FM Bacolod, may yara naman sang tatlo ka mga guaranteed prize winners.

Ang 1^st prize winner nga magabaton sang P25,000 amo si Shirley Frane sang Purok San Roque 1, Brgy Handumanan, Bacolod City nga naggamit sang proof of purchase nga San Miguel Beer.

2^nd prize winner nga magabaton sang P15,000 amo si Mae Tolentino sang Bago Public Market nga naggamit sang proof of purchase nga Sarsaya.

Samtang, ang 3^rd prize winner nga magabaton sang P10,000 amo si Jenny Galas sang Purok Mainuswagon, Brgy Alijis, Bacolod City nga naggamit ang Efficascent Oil.

Ang Bombo Radyo Bacolod nakatipon sang 24,680 ka entries halin sa week number 1 tubtub sa adlaw sang grand draw sang promo.