Nagpasalig ang bag-o nga presidente sang Liga ng mga Barangay sa Negros Occidental nga supportahan kag ipatuman niya ang ginpahayag ni Negros Occidental Governor Eugenio Jose “Bong” Lacson nga kinahanglan nga magpatigayon sang duha ka barangay assembly sa isa ka tuig.
Sa interview sang Bombo Radyo Bacolod kay Richard Julius Sablan, suportado sini ang ginpahayag sang gobernador sa mensahe sini sang nagtake oath ang mga elected officials, nga kinahanglan nga magpatigayon sang barangay assembly sang makaduha ka beses sa isa ka tuig.
Suno diri, ginahimo man ini sang mga barangay officials sa tagsa ka mga barangay apang siguruhon sini nga tsekyaron gid agud masiguro nga ang tanan nga mga barangay ang nagahimo sini.
Suno pa sa liga ng mga barangay president magapatigayon sila sang barangay assembly kaupod ang katapo sang Department of the Interior and Local Government (DILG) kag ini ang mandato man sang sa constitution nga ang isa ka barangay ang dapat may yara sang duha ka beses nga assembly sa iya mga constituents.
